இந்த ஆலோசனை நிலையம் கிறவ்புண்டென் மாநிலத்தில் வாழும் அனைத்து தனிப்பட்ட நபர்களுக்கும், அவர்கள் நேரடியாகவோ அல்லது மறைமுகமாகவோ பாதிக்கப்பட்டால், ஆக்கபூர்வமான ஆலோசனை மற்றும் உதவிகளை வழங்கும். நேரடியாகப் பாதிக்கப்பட்டவர்கள், அதேவேளை உறவினர்கள், ஆண் பெண் சாட்சிகள் அல்லது வேறு மூன்றாம் நபர்கள் இந்த ஆலோசனை நிலையத்தை அணுகலாம். அத்துடன் அடையாளம் காட்டாத பதிவுகளும் இங்கு ஏற்றுக்கொள்ளப்படும்.

எமது ஆண் பெண் ஆலோசனையாளர்கள் பின்வரும் அடிப்படைக் கொள்கைகளைக் கொண்டிருப்பார்கள்:

• மிகுந்த மரியாதையான சூழமைவு: ஆலோசனை தேடுவோருடன் திறந்த மனதுடன் பழகுதல், ஏற்றுக்கொள்ளுதல் மற்றும் மரியாதையுடன் நடத்துதல்.
• பக்கச்சார்பு: ஆலோசனைநிலைய ஊழியர்கள் பக்கச்சார்பாக தொழில்புரிவதுடன் தமது வாடிக்கையாளர்களின் தேவைகளுக்கு ஏற்றவாறு செயற்படுவார்கள். குறிக்கோள் என்னவென்றால், ஒதுக்குதல்களால் பாதிக்கப்பட்ட மனிதர்களை வலுப்படுத்துவது மற்றும் ஆதரிப்பது, அதேபோன்று அவர்களின் வாழ்க்கை நிலைமைகளை மேம்படுத்துவதுமாகும்.
• சுயஉரிமைகளைப் பாதுகாத்தல்: ஆலோசனையை நாடும் நபரின் வெளிப்படையான ஒப்புதலுடன் மட்டுமே நடவடிக்கைகள் மேற்கொள்ளப்படும்.
• வலைத்தொடர்பு: சிக்கலான நடைமுறைகள் அல்லது நிர்வாக உள்ளக விடயங்களில் இனவெறி ஒதுக்குதல்கள் இடம்பெற்றால், ஒவ்வொரு நபருக்கும் ஒவ்வொரு சூழ்நிலைக்கும் தகுந்தவாறு ஆலோசனை மற்றும் ஆதரவை வழங்க மேலதிக விசேட சேவைகளை அழைத்தல்,
• இலவசம்: ஆதரவு தேடுவோருக்கான ஆலோசனை நிச்சயமாக இலவசமானதாகும். தேவைப்படுமாக இருந்தால் பல்கலாச்சாரம் அறிந்த ஒரு மொழிபெயர்ப்பாளர் கலந்துரையாடலுக்காக அழைக்கப்படுவார். இந்தச் செலவையும் ஆலோசனை நிலையம் பொறுப்பேற்கும்:

இனப்பாகுபாட்டு ஒதுக்குதல்கள் என்பதன் வரையறை

இனப்பாகுபாட்டு ஒதுக்குதல்களின் வடிவங்கள்

மேலதிக தொடர்பு இணைப்புகள்