​​​​Tge è l'Emna d'acziun cunter il rassissem?

L'Emna d'acziun cunter il rassissem ha lieu en l'entira Svizra tranter ils 16 ed ils 22 da mars 2026. Il punct culminant è il Di internaziunal cunter il rassissem ils 21 da mars. Il Post spezialisà per l'integraziun dal Grischun realisescha l'emna d'acziun en collavuraziun cun organisaziuns da la societad civila. Las acturas ed ils acturs da la tematica survegnan cun l'emna d'acziun ina plattafurma per mussar lur engaschament cunter il rassissem e cunter la xenofobia e per sa barattar cun persunas interessadas.

Tgi po sa participar a l'Emna d'acziun cunter il rassissem?

Uniuns, organisaziuns senza finamira da profit, manaschis, scolas, clubs da sport, organisaturs d'occurrenzas culturalas ed ulteriuras persunas interessadas pon inoltrar ina proposta per in'activitad. Tut las persunas interessadas èn envidadas cordialmain da s'annunziar. Medemamain fitg giavischadas èn inoltraziuns per occurrenzas e per acziuns, nua che persunas ch'èn stadas exponidas a rassissem giogan ina rolla decisiva e/u vegnan a pled.

Co pon ins sa participar a l'Emna d'acziun cunter il rassissem?

Inoltrai per e-mail e cun il formular d'annunzia Vossa proposta per in'activitad fin sonda, ils 15 da november 2025, al Post spezialisà per l'integraziun dal Grischun. Per in sustegn finanzial (max. 2000 francs) agiuntai per plaschair a Vossa dumonda ina glista cumpletta dal preventiv. Per quest intent pudais Vus duvrar noss model. Purschiders commerzials na survegnan nagin sustegn finanzial.

Termins

16 da settember 2025         Occurrenza d'infurmaziun per persunas interessadas
15 da november 2025         Termin d'inoltraziun per occurrenzas
20 da november 2025         Preselecziun da las endataziuns
30 da november 2025         Consentiment/refusa definitiva a las persunas che proponan in project
13 da schaner 2026            Occurrenza d'infurmaziun e da rait per las participantas ed ils participants
16–22 da mars 2026           Emna d'acziun cunter il rassissem
21 da mars 2026                 Di internaziunal cunter il rassissem
10 d'avrigl 2026                  Termin d'inoltraziun per il rapport d'experientscha

Formular d'inoltraziun per ideas per l'Emna d'acziun cunter il rassissem 2026

Per inoltrar Vossa idea per l'Emna d'acziun cunter il rassissem Grischun 2026 utilisai per plaschair il formular mess a disposiziun qua. Sche Vus avais anc dumondas u duvrais agid per emplenir il formular, n'hajas betg retegnientschas d'ans contactar.

Avais Vus anc dumondas?

Uffizi da migraziun e da dretg civil dal Grischun
Post spezialisà per l'integraziun
Grabenstrasse 1
7001 Cuira

Telefono 081 257 26 38

info@integration.gr.ch

Tge criteris sto il project ademplir?

·         L'activitad s'occupa explicitamain dal tema rassissem e discriminaziun
·         L'activitad ha lieu dals 16 fin ils 22 da mars 2026 en il Grischun (entir chantun) 
·         L'inoltraziun arriva tar nus a temp ed è cumpletta

Ulteriurs criteris (betg obligatoric)

·         Activitads ch'èn gratuitas per il public han prioritad
·         Persunas ch'èn stadas exponidas a rassissem giogan ina rolla decisiva e/u vegnan a pled.

​ 

Links davart il tema

Formular d'inoltraziun per ideas per l'Emna d'acziun cunter il rassissem Grischun 2026

Podcast (admin.ch)

Podcast «Reden wir! 20 Stimmen zu Rassismus» dal Servetsch per il cumbat cunter il rassissem
Co statti oz cun il cumbat cunter il rassissem? E co duai el sa sviluppar vinavant? Davart questa dumonda discutan 20 giasts en la retscha da podcasts da diesch parts «Reden wir! 20 Stimmen zu Rassismus». Tar ils podcasts​